Fransiyaning «PSJ» klubi «Barselona» yarim himoyachisi Gavini o‘z safiga qo‘shib olish imkoniyatini ko‘rib chiqmoqda.
El Nacional nashri ma’lumotiga ko‘ra, parijliklar bosh murabbiyi Luis Enrike ispaniyalik futbolchini jamoasida ko‘rishni istamoqda.
«PSJ» rahbariyati mutaxassisning transfer borasidagi istagini amalga oshirishga tayyor. Fransiya klubi Gavi uchun «Barselona»ga 40 million yevro taklif qilishni rejalashtirmoqda.
Ayni paytda «PSJ» Fransiya chempionatining dastlabki yettita turidan so‘ng 14 ochko jamg‘argan holda Liga 1 turnir jadvalida ikkinchi o‘rinni egallab turibdi.
