«Bavariya» yarim himoyachisi Luis Diasning Chempionlar ligasi doirasida Londonning «Arsenal» jamoasiga qarshi uchrashuvda olgan jarohatidan tiklanish muddati ma’lum bo‘ldi.
Kolumbiyalik futbolchi to‘rt haftadan olti haftagacha maydonga tusha olmasligi mumkin. Jurnalist Kerri Xauning xabar berishicha, Myunxen klubi 29 yoshli futbolchining safda bo‘lmaslik muddatini aynan shunday baholamoqda.
Avvalroq «Bavariya» Diasning jarohat olganini rasman tasdiqlagan, biroq uning maydonga qaytish muddatini ma’lum qilmagan edi.
Tibbiy tekshiruv natijalari kolumbiyalik futbolchining chap son orqa qismidagi mushak tolalari biroz uzilganini ko‘rsatdi.
