Argentinalik mashhur futbolchi Lionel Messi futbol olamida qanday iz qoldirishni istashi haqida fikr bildirdi.
39 yoshli yulduz faoliyati davomida doimo o‘z orzulari va maqsadlari sari intilganini, muvaffaqiyatsizliklarga qaramay, kurashishdan to‘xtamaganini ta’kidladi.
"Meni buyuk sportchi sifatida eslab qolishlarini istayman. Men doimo o‘z orzularim va maqsadlarim uchun kurashganman.
Ba’zan ularga erishdim, ba’zan esa yo‘q. Ammo oldimda turgan barcha musobaqalarda g‘alaba qozonishga intilishdan hech qachon to‘xtamadim", — deya Messining so‘zlarini keltiradi The Touchline.
Lionel Messi 2023 yil yozidan buyon AQSHning "Inter Mayami" klubi sharafini himoya qilib kelmoqda.
Argentinalik futbolchi bunga qadar Yevropada "Barselona" va "PSJ" jamoalarida to‘p surgan.
Yaqinda 39 yoshli Messi Argentina milliy terma jamoasidagi faoliyatini yakunlaganini e’lon qilgan edi.
