Mariu Ruy Portugaliyaga qaytmoqda.
«Napoli»ning sobiq 35 yoshli chap qanot himoyachisi faoliyatini yangidan boshlashga tayyorlanmoqda. U Portugaliya futbolida kuch jihatidan uchinchi divizionda ishtirok etadigan «Belenensesh» klubi safiga qo‘shiladi.
2011 yilda Italiyaga yo‘l olgan himoyachi uchun bu yangi sahifaning boshlanishi bo‘ladi. U faoliyatining navbatdagi bosqichini boshlash uchun yurtiga qaytishga qaror qildi.
Faoliyatining katta qismini Italiyada o‘tkazgan portugaliyalik futbolchi «Empoli» va «Roma» klublarida to‘p tepgan. Keyinchalik «Napoli»ga o‘tib, faoliyatidagi eng muhim yillarni aynan shu jamoada o‘tkazdi.
«Ko‘klar» safida bir necha mavsum davomida chap qanotdagi asosiy futbolchilardan biri bo‘lgan Mariu Ruy o‘z tajribasi, texnik mahorati va barqaror o‘yini bilan jamoa natijalariga hissa qo‘shdi.
