Lissabonning "Sporting" klubi vingeri Flaviu Gonsalvesh Angliya Premyer-ligasi vakillari e’tiborini tortmoqda.
Transfer News Live nashri CaughtOffside ma’lumotlariga tayanib xabar berishicha, "Chelsi" va "Manchester Yunayted" 19 yoshli portugaliyalik futbolchini qishki transferlar oynasida o‘z safiga qo‘shib olish uchun raqobatlashishga tayyor.
Har ikki klub Gonsalveshning o‘yinlarini diqqat bilan kuzatib bormoqda. Londonliklar va manchesterliklar yanvar oyida uning transferi uchun 45–50 million yevro atrofida taklif bildirishi mumkin.
Biroq "Sporting" rahbariyati yosh futbolchisi bilan xayrlashishni istamayapti. Shu sabab Portugaliya klubi muzokaralarda yon berishni rejalashtirmayapti va Gonsalvesh uchun shartnomasida ko‘rsatilgan 60 million yevrolik tovon puli to‘lanishini talab qilishi kutilmoqda.
Flaviu Gonsalvesh joriy mavsumda "Sporting" safida 9 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.
