«Brayton» bosh murabbiyi Fabian Xyurseler Angliya Premyer-ligasida «Liverpul»ga qarshi o‘tadigan uchrashuv oldidan raqib jamoa yarim himoyachisi Florian Virs haqida o‘z fikrlarini bildirdi.
Nemis mutaxassisi hamyurtining mahoratiga yuqori baho berib, uni zararsizlantirish uchun butun jamoa birgalikda harakat qilishi kerakligini ta’kidladi.
«Virs, shubhasiz, aqlbovar qilmas futbolchi. U qisqa faoliyati davomida erishgan yutuqlari bilan kishini hayratda qoldiradi.
Menimcha, u Angliya Premyer-ligasiga tobora yaxshiroq moslashib bormoqda. Bunday futbolchilarning o‘yinini kuzatish doimo yoqimli, ammo biz uchun eng muhimi — uni to‘xtatish.
Virsga qarshi birga-bir kurashishga urinmaslik kerak, chunki u juda kuchli futbolchi. Uni faqat butun jamoa bo‘lib harakat qilgan holda zararsizlantirishimiz mumkin.
Shu bilan birga, «Liverpul» faqat Virsdan iborat emas. Ularning tarkibida boshqa ko‘plab kuchli futbolchilar ham bor», — dedi Xyurseler matbuot anjumanida.
Eslatib o‘tamiz, «Liverpul» va «Brayton» o‘rtasidagi uchrashuv Angliya Premyer-ligasining 8-turi doirasida 25 oktyabr kuni bo‘lib o‘tadi.
