Argentina terma jamoasining sobiq hujumchisi Alexandro Gomes Lionel Messining milliy jamoadagi faoliyatini yakunlashi haqida o‘z fikrlarini bildirdi.
Gomesning ta’kidlashicha, argentinalik yulduzning ketishi terma jamoa uchun katta yo‘qotish bo‘ladi. U bu holatni afsonaviy Diyego Maradonaning milliy jamoa bilan xayrlashgan davriga qiyosladi.
«Bu juda ta’sirli voqea bo‘ldi. Albatta, Messi ketganidan keyin qoladigan bo‘shliqning ko‘lamini tasavvur qilish qiyin.
Maradona terma jamoadagi faoliyatini yakunlaganida ham xuddi shunday holat yuzaga kelgandi.
Endi ham shunday bo‘shliq paydo bo‘ladi va uning o‘rnini to‘ldirish uchun ma’lum vaqt kerak bo‘ladi», — dedi Gomes.
Eslatib o‘tamiz, 39 yoshli Lionel Messi oktyabr oyi boshida Argentina terma jamoasi libosida o‘zining xayrlashuv uchrashuvini o‘tkazdi.
Messi milliy jamoadagi faoliyatini 2005 yilda boshlagan. O‘tgan davr mobaynida u Argentina safida 208 ta o‘yinda maydonga tushib, 126 ta gol urdi va 69 ta golli uzatmani amalga oshirdi.
Shuningdek, hozirda «Inter Mayami» sharafini himoya qilayotgan futbolchi 2022 yilda Argentina terma jamoasi bilan jahon chempionligini qo‘lga kiritgan.
