«Real» darvozaboni Andrey Lunin «Barselona»ga qarshi «el-klasiko»dagi g‘alabadan (2:1) so‘ng o‘z fikrlarini bildirdi.
«G‘alabamizda jamoaviy ruh, intizom va g‘alabaga bo‘lgan intilish muhim rol o‘ynadi. «Barselona»ni safarda yengish oson emas. Chempionatdagi vaziyatni hisobga olsak, bu uch ochko biz uchun juda muhim.
Hali ko‘p mehnat qilishimiz, jamoa sifatida yanada kuchayishimiz kerak», — dedi Lunin.
Ukrainalik darvozabon uchrashuvda 5 ta seyv qayd etdi. «Real» 24 ochko bilan La Ligada uchinchi o‘rinda bormoqda va peshqadam «Barselona»dan 3 ochko ortda qolmoqda.
