"Barselona" markaziy himoyachisi Andreas Kristensen Madridning "Atletiko"siga qarshi muhim uchrashuvga qadar jarohatidan tiklanishga ulgurishi mumkin.
"Ko‘k-anorranglilar"ning "matraschilar" mehmoni bo‘ladigan uchrashuvi 8 noyabr kuni Ispaniya La Ligasining 12-turi doirasida bo‘lib o‘tadi. Barca Universal ma’lumotiga ko‘ra, kataloniyaliklar daniyalik markaziy himoyachi to‘liq tiklanib, aynan Madriddagi bahs oldidan yaxshi sport formasiga kirishiga umid qilmoqda.
"Barselona" bosh murabbiyi Xans-Diter Flik Kristensenni jamoaning himoya tizimidagi muhim futbolchilardan biri deb hisoblaydi. Nemis mutaxassisi 30 yoshli futbolchining pozisiyani to‘g‘ri tanlash mahorati va to‘p bilan muomala qilish ko‘nikmalarini qadrlaydi.
Shunga qaramay, jamoadagi kadrlar tanqisligiga qaramasdan, Andreasning maydonga qaytishini tezlashtirishmaydi. Bu ortiqcha tavakkalchilikka yo‘l qo‘ymaslik uchun amalga oshiriladi.
