Sobiq hujumchi Antonio Kassano Massimiliano Allegriga nisbatan salbiy munosabati bilan tanilgan. Bu safar ham u o‘z fikrida qat’iy qoldi.
«So‘nggi turda “Milan” “Kalyari”ga qarshi o‘yinning ikkinchi daqiqasidayoq hisobni ochdi. Ammo yakunda jamoa uchun mavsum fojiali yakunlandi. Bularning barchasi Allegri qo‘l ostida sodir bo‘ldi.
De Laurentis professionallik haqida gapiradi, ammo uning klubida, ehtimol, butun Italiya futbolidagi eng yomon inson faoliyat yuritadi. Allegri mutlaqo dahshatli gaplarni aytdi. So‘nggi o‘n yildagi barcha muvaffaqiyatsizliklarning asosiy sababchisi aynan u.
Unga kamida olti oy davomida murabbiylik qilishni taqiqlash kerak», — deya Kassanoning so‘zlarini keltirmoqda Pianeta Milan nashri.
