Mashhur britaniyalik jurnalist Pirs Morgan Krishtianu Ronalduning 2008 yilgi "Oltin to‘p"i barcha davrlarning eng yaxshisi deb topilganiga munosabat bildirdi.
41 yoshli portugaliyalik futbolchining yaqin do‘sti hisoblangan Morgan ijtimoiy tarmoqda uni tabrikladi.
"Eng buyuk futbolchini yana bir ajoyib mukofot bilan tabriklayman. Bu "Oltin to‘p" bo‘yicha ovoz berishlardagi eng ahamiyatli g‘alaba. Chunki tanlovni fikri hammadan muhim bo‘lgan insonlar — muxlislar amalga oshirdi", — deb yozdi Morgan.
Eslatib o‘tamiz, mazkur so‘rovnomada "Oltin to‘p"ni kamida ikki marta qo‘lga kiritgan futbolchilarning sovrinlari ishtirok etdi.
Ovoz berishda qatnashish uchun muxlislar 1 yevro to‘lashlari talab etilgan. Yakunda Ronalduning 2008 yilda qo‘lga kiritgan "Oltin to‘p"i birinchi o‘rinni egalladi.
