Машҳур британиялик журналист Пирс Морган Криштиану Роналдунинг 2008 йилги "Олтин тўп"и барча даврларнинг энг яхшиси деб топилганига муносабат билдирди.
41 ёшли португалиялик футболчининг яқин дўсти ҳисобланган Морган ижтимоий тармоқда уни табриклади.
"Энг буюк футболчини яна бир ажойиб мукофот билан табриклайман. Бу "Олтин тўп" бўйича овоз беришлардаги энг аҳамиятли ғалаба. Чунки танловни фикри ҳаммадан муҳим бўлган инсонлар — мухлислар амалга оширди", — деб ёзди Морган.
Эслатиб ўтамиз, мазкур сўровномада "Олтин тўп"ни камида икки марта қўлга киритган футболчиларнинг совринлари иштирок этди.
Овоз беришда қатнашиш учун мухлислар 1 евро тўлашлари талаб этилган. Якунда Роналдунинг 2008 йилда қўлга киритган "Олтин тўп"и биринчи ўринни эгаллади.
