Saudiya Arabistonining «An-Nasr» klubi «Paxtakor»ga qarshi o‘yin oldidan O‘zbekistonga yo‘l oldi. Biroq jamoaning eng mashhur futbolchisi Krishtianu Ronaldu Toshkentga kelmaydi.
Arriyadiyah nashri ma’lumotiga ko‘ra, saudiyaliklar 31 oktyabr kuni Al-Ahso xalqaro aeroportidan xususiy samolyotda O‘zbekiston poytaxtiga uchib ketgan.
Bosh murabbiy Ange Postekoglu Krishtianu Ronaldu bilan birga fransuz futbolchilari Muhammad Simakan va Kingsli Komanni ham safar tarkibiga kiritmagan.
Murabbiylar shtabi ushbu futbolchilar o‘rniga bir qator yosh o‘yinchilarga imkoniyat berishga qaror qilgan.
Eslatib o‘tamiz, «Paxtakor» va «An-Nasr» o‘rtasidagi uchrashuv 2 noyabr kuni Toshkentda bo‘lib o‘tadi. Bahs Osiyo Chempionlar ligasi Elit turnirining 4-turi doirasida o‘tkaziladi.
