«Arsenal» bosh murabbiyi Mikel Arteta yarim himoyachi Deklan Rays klub bilan yangi shartnoma imzolashi mumkinligiga ishora qildi.
27 yoshli futbolchining amaldagi kelishuvi 2028 yilda yakuniga yetadi. Biroq londonliklar angliyalik yulduz bilan hamkorlikni uzaytirishdan manfaatdor.
«Uning bu yerda baxtli ekanini his qilyapman. Suhbatlarimizdan kelib chiqib aytish mumkinki, u “Arsenal”da uzoq yillar qolishni istaydi. Endi faqat ayrim tafsilotlarni kelishib olish qoldi. Bu vaqt masalasi», — deya Artetaning so‘zlarini keltiradi jurnalist Konnor Xamm.
