Вьетнамда бўлиб ўтаётган футзал бўйича Осиё чемпионати яримфиналида Ливан ва Ўзбекистон терма жамоали ўртасида кечган ўйиндан сўнг (2:6) ливанликлар бош мураббийи Франсиско Араужо фикрлари билан ўртоқлашди.
"Ўйин қийин кечишини билар эдик, аммо бизда имконият бор эди, - дейди Франсиско Араужо. - Биринчи бўлимда яхши ўйнадик ва ўйинни назорат қилдик, аммо гол ўтказиб юбордик. Иккинчи бўлимда ўйинчилар чарчаб қолишди, айнан шунинг учун кўп гол ўтказиб юбордик ва мағлубиятга учрадик. Натижа бизга алам қиляпти, бизга осонмас.
Жамоамизнинг ушбу мусобақада кўрсатган ўйинидан мамнунман. Имкониятимиз ўз қўлимизда бўлганига қарамай, муаммоларга учрадик. Бизнинг жамоа ёш ва бу келажак жамоаси".
