Колумбия терма жамоаси бош мураббийи Хосе Пекерман ЖЧ-2014 чорак финалида Бразилияга қаршу учрашувдан сўнг (1:2) фикрларини билдириб ўтди.
"Биз охиригача Бразилияни енга оламиз деб ишондик. Бугун жамоам ажойиб рақибга қарши ўйнади. Иккинчи голдан сўнг ўйинимизни йўқотгандай бўлдик. Бир неча хавфли вазиятлар бўлди, ундан фойдалана олмадик.
Чилига қарши учрашувдан сўнг Бразилия тегишли хулоса чиқарганини билар эдик. Балки рақиблар тезкор голга умид қилгандир, бу бизнинг режаларимизга ҳалақит берди.
Нима бўлганда ҳам, Колумбия бу жаҳон чемпионатида ўзини кўрсата олди, Хамес Родригес эса унинг тимсолларидан бири бўлиб қолди", - дейди Пекерман.
