Россиянинг “Р-Спорт” агентлиги ФИФА ташкилотидаги манбасига асосланиб, “Олтин тўп-2014″ тақдимоти маросими бошланишига 3 соат қолганида, бўлажак ғолиблар номини эълон қилиб юборди. Эслатиб ўтамиз, 2014 йилнинг ноябрь ойи охирида дунёнинг 181 терма жамоаси бош мураббийлари ҳамда жамоа сардорлари, шунингдек, 181 терма жамоанинг матбуот-котиблари орасида сўровнома ўтказилган эди.
Агентлик хабарида ёзилишича, ўша сўровнома вақтида “Йилнинг энг яхши футболчиси” номи учун даъвогар бўлган 3 футболчига қуйидагича овозлар берилган:
1. Криштиану Роналду (“Реал”) – 37,7 фоиз
2. Лионель Месси (“Барселона”) – 15,7 фоиз
3. Мануэль Нойер (“Бавария”) – 15,7 фоиз
“Йилнинг энг яхши мураббийи” учун даъвогар мутахассислар рўйхати эса, қуйидагича жойлаштирилган:
1. Йоахим Лёв (Германия терма жамоаси) – 36,2 фоиз
2. Карло Анчелотти (“Реал”) – 22,1 фоиз
3. Диего Симеоне (“Атлетико”) – 19,1 фоиз
Эслатиб ўтамиз, бугун Тошкент вақти билан соат 22:30да, Швейцариянинг Цюрих шаҳрида “Олтин тўп-2014″ мукофотини эгасига топшириш маросими бошланади.
