Мексика футбол федерацияси (FMF) ФИФА президенти Жанни Инфантинони қўллаб-қувватлаб чиқди.
Расмий баёнотда ташкилот амалдаги институтлар ва белгиланган процедураларни четлаб ўтган ҳолда бошланадиган жараёнларни тан олмаслиги ва маъқулламаслигини таъкидлади.
«FMF президент Инфантинонинг 5 августдаги ФИФАга аъзо 211 та ассоциация манфаати йўлида футболни жамоавий тарзда ривожлантиришни давом эттириш ҳақидаги даъватини қўллаб-қувватлайди. FMF институционал мустаҳкамлаш орқали футболни янада ривожлантиришда президент Инфантинони қўллаб-қувватлайди», — дейилади баёнотда.
Аввалроқ Fifa Forward Enterprise лойиҳаси атрофидаги можародан сўнг ФИФА раҳбарига бўлган босим кучайган эди. ФИФА ўз тижорат бизнесининг 21 фоизини Thrive Capital фондига 4,2 миллиард долларга сотишни режалаштирган, аммо кенг кўламли танқидлардан сўнг битимдан воз кечган эди. Шу билан бирга, УЕФА Инфантинонинг истеъфога чиқишига эришишда давом этмоқда.
