Meksika futbol federasiyasi (FMF) FIFA prezidenti Janni Infantinoni qo‘llab-quvvatlab chiqdi.

Rasmiy bayonotda tashkilot amaldagi institutlar va belgilangan proseduralarni chetlab o‘tgan holda boshlanadigan jarayonlarni tan olmasligi va ma’qullamasligini ta’kidladi.

«FMF prezident Infantinoning 5 avgustdagi FIFAga a’zo 211 ta assosiasiya manfaati yo‘lida futbolni jamoaviy tarzda rivojlantirishni davom ettirish haqidagi da’vatini qo‘llab-quvvatlaydi. FMF institusional mustahkamlash orqali futbolni yanada rivojlantirishda prezident Infantinoni qo‘llab-quvvatlaydi», — deyiladi bayonotda.

Avvalroq Fifa Forward Enterprise loyihasi atrofidagi mojarodan so‘ng FIFA rahbariga bo‘lgan bosim kuchaygan edi. FIFA o‘z tijorat biznesining 21 foizini Thrive Capital fondiga 4,2 milliard dollarga sotishni rejalashtirgan, ammo keng ko‘lamli tanqidlardan so‘ng bitimdan voz kechgan edi. Shu bilan birga, UYEFA Infantinoning iste’foga chiqishiga erishishda davom etmoqda.