«Барселона» марказий ҳимояни кучайтириш мақсадида тўрт нафар футболчини трансфер рўйхатига киритди.
Каталонияликлар Йошко Гвардиол, Алессандро Бастони, Натан ва Лисандро Мартинес номзодларини кўриб чиқмоқда.
Бош мураббий Ханс-Дитер Флик раҳбариятдан жамоага дарҳол фойда келтира оладиган тажрибали ҳимоячи сотиб олишни сўраган. Немис мутахассисига ривожланиши учун бир неча йил талаб этиладиган ёш футболчилар маъқул эмас.
Бироқ «Барселона»нинг янги футболчи харид қилиш имконияти айрим ўйинчиларнинг сотилиши ва трансферлардан тушадиган маблағга боғлиқ бўлади.
