Бундеслигада янги рекорд қайд этилди. Ўтган турда «Айнтрахт» сафида майдонга тушган Нико Иличевич Германия чемпионати тарихидаги энг ёш футболчига айланди. Ушбу кўрсаткич бўйича Иличевич Юссуфа Мукоко билан тенглашди.
2026 йил июль ойида у Франкфуртнинг «Айнтрахт» клуби билан илк профессионал шартномасини имзолаган эди.
1 ноябрь куни Иличевич «Гамбург»га қарши ғалабали учрашувда (3:1) захирадан майдонга тушиб, профессионал фаолиятидаги илк ўйинини ўтказди.
Шу тариқа, 16 ёшга тўлганидан атиги бир кун ўтиб, Иличевич Юссуфа Мукоко билан биргаликда Бундеслигада тўп тепган энг ёш футболчига айланди.
