Мадриднинг "Атлетико" клуби Испания чемпионати 12-турида "Барселона"га қарши кечадиган муҳим учрашувда аргентиналик ҳимоячи Кристиан Ромеро ёрдамидан фойдалана олмайди. Бу ҳақда Marca нашри хабар берди.
Манбага кўра, футболчи мушак жароҳати туфайли сафдан чиққан. Ромеро соғлиғидаги муаммолар сабаб Чемпионлар лигаси умумий босқичида "Бавария"га қарши кечган ва мадридликларнинг 0:2 ҳисобидаги мағлубияти билан якунланган учрашувда ҳам иштирок этмаган.
"Атлетико" ва "Барселона" ўртасидаги баҳс 8 ноябрь куни Мадридда бўлиб ўтади.
Мазкур ўйин олдидан "Барселона" Ла Лига турнир жадвалида пешқадамлик қилмоқда. Иккинчи ўриндаги "Атлетико" эса каталонияликлардан 2 очко ортда бормоқда.
