4 ноябрь куни Чемпионлар лигаси умумий босқичининг 4-тур учрашувлари тўлиқ якунланди.
Тўртта ўйиннинг барчасида ғалаба қозонган «ПСЖ» 12 очко билан турнир жадвалида пешқадамлик қилмоқда.
«Реал» ҳам 12 очко жамғарган, бироқ тўплар нисбати бўйича Париж клубидан ортда қолмоқда. «ПСЖ»нинг тўплар нисбати 20:5 бўлса, мадридликларда бу кўрсаткич 13:7 ни ташкил этади.
Жадвалнинг сўнгги поғонасида «Слован» жойлашган. Словакия клуби дастлабки тўртта учрашувда бирорта ҳам очко тўплай олмади.
Чемпионлар лигаси умумий босқичининг 5-тур ўйинлари 24–25 ноябрь кунлари ўтказилади.
