«Комо» ҳужумчиси Анастасиос Дувикас Чемпионлар лигаси умумий босқичининг 4-туридан кейин тўпурарлар пойгасида пешқадамлик қилмоқда.
27 ёшли грециялик футболчи «Ланс»га қарши учрашувда (9:1) хет-трик қайд этиб, битта голли узатмани ҳам амалга оширди. Шу тариқа, у 4 та ўйиндаги голлари сонини 6 тага етказди. Эътиборлиси, Дувикас мусобақанинг барча учрашувларида гол уришга муваффақ бўлган.
Тўпурарлар рўйхатида иккинчи ўринни 5 тадан гол урган Эрлинг Холанд («Манчестер Сити») ва Николо Трезольди («Брюгге») бўлишиб турибди.
Учинчи натижа эса «Галатасарой» ярим ҳимоячиси Алексей Батраковга тегишли. Россиялик футболчи 4 та гол урган. Шунингдек, яна 8 нафар ўйинчи, жумладан, Килиан Мбаппе («Реал»), Харри Кейн («Бавария») ва Рафинья («Барселона») ҳисобида ҳам 4 тадан гол мавжуд.
