Мадриднинг «Реал» клуби қанот ҳужумчиси Ян Диоманде Испания ОАВининг эътирофига сазовор бўлмоқда.
OK Diario нашри мадридликлар таркибини таҳлил қилиб, ўтган ёзда жамоага қўшилган футболчининг нафақат майдондаги ўйини, балки профессионал муносабатини ҳам юқори баҳолади.
«Ян Диоманде «Реал»да ўзини фақат голлари ва майдондаги ҳаракатлари билан кўрсатаётгани йўқ. Унинг хулқ-атвори ва ишга муносабати ҳам барчани қойил қолдирмоқда», — дейилади мақолада.
Эслатиб ўтамиз, «Реал» Диомандени «РБ Лейпциг»дан бонуслар билан бирга 140 миллион еврога харид қилган эди.
