41 ёшли португалиялик ҳужумчи, «Ан-Наср» футболчиси Криштиану Роналду энди миллий терма жамоа сафида майдонга тушмайди. Бу ҳақда футболчининг ўзи ижтимоий тармоқдаги саҳифасида маълум қилди.
«Менинг саёҳатим ўз ниҳоясига етди. Еттинчи рақамли футболкани янги авлодга топшириш вақти келди. Бу осон қарор эмас, чунки айрим қарорлар фақат ақл билан эмас, юрак билан ҳам қабул қилинади.
Мен бошимни баланд кўтарган ҳолда, босиб ўтган йўлимдан фахрланиб ва Португалия учун қўлимдан келган барча ишни қилганимни англаган ҳолда кетяпман. Ушбу 23 йил учун раҳмат. Менга ишонганингиз учун раҳмат. Португалия қалбимда абадий қолади», — деди Роналду.
Роналду Португалия терма жамоаси сафида 234 та ўйин ўтказиб, 146 та гол урди ва 45 та голли узатмани амалга оширди. Ҳужумчи миллий жамоа билан биргаликда Европа чемпиони бўлди ва икки марта Миллатлар лигасида ғолиб чиқди.
