"Ливерпуль" афсонаси Стивен Жеррард "Манчестер Юнайтед" ҳимоячиси Лисандро Мартинесни кескин танқид қилиб, у январда клубдан кетиш учун атайлаб муаммолар келтириб чиқараётган бўлиши мумкинлигини тахмин қилди.
The Overlap Daily дастурида Жеррард аргентиналик футболчининг сўнгги ўйинларини "даҳшатли" деб баҳолади.
"Менимча, у "бу ердан тезроқ кетишим керак" деб ўйлаяпти", — деди Жеррард.
Мартинес "Челси"га қарши 0:2 ҳисобидаги мағлубиятда қизил карточка олгани учун танқидларга учраган. Бундан аввал у клубнинг футбол директори Жейсон Уилкоксни ҳам танқид қилган эди.
"У жамоадошларига, клубга ва мухлисларга панд берди. Бу худбинлик. Унинг ҳаракати сабаб жамоа очко йўқотди. Энг ёмони, бу уни доим қўллаб-қувватлаган ва унга ишонч билдирган мураббий даврида содир бўлди", — деди Жеррард.
Унинг фикрича, айрим футболчиларнинг бундай хатти-ҳаракатлари "Манчестер Юнайтед"нинг натижаларини яхшилашига тўсқинлик қилиши мумкин.
Шунга қарамай, клуб раҳбарияти Мартинеснинг жамоага содиқлигини омма олдида қўллаб-қувватлашда давом этмоқда.
