Собиқ "Ливерпуль" сардори Стивен Жеррард "Реал" яримҳимоячиси Жуд Беллингемнинг ўйини ҳақида ўз фикрини билдирди. У англиялик футболчини мадридликлар афсонаси Зинедин Зидан билан таққослади.
"Жуд Беллингем "Реал" сафида Зинедин Зидандан тезроқ 50 та гол урганини ўқидим. Вау! Бунинг ўзиёқ Жуднинг савияси ҳақида кўп нарсани айтиб турибди. Зидан — менинг севимли футболчим. Жуд ҳам бешинчи рақам остида ўйнайди ва "Реал" сафида мунтазам равишда юқори натижалар кўрсатмоқда", — деди Жеррард We Are The Overlap подкастида.
Эслатиб ўтамиз, 1 ноябрь куни "Расинг"га қарши ўйинда Беллингем гол уришга муваффақ бўлди. Бу унинг "Реал" сафидаги 50-голи бўлди. Зидан эса мадридликлар сафидаги бутун фаолияти давомида 49 та гол урган.
