Криштиану Роналду Португалия терма жамоаси сафида хайрлашув учрашувини ўтказишдан бош тортгани айтилмоқда. Шунингдек, 41 ёшли ҳужумчи миллий жамоа бош мураббийи Жорже Жезуш билан мулоқот қилишни ҳам истамаётгани хабар қилинди.
Бу ҳақда Португалиянинг Observador нашри маълум қилди.
Аввалроқ Португалия футбол федерацияси Роналдунинг миллий жамоадаги фаолиятини муносиб тарзда якунлаш мақсадида тантанали хайрлашув маросими ташкил этилишини эълон қилган эди.
Федерация вакиллари бундай буюк футболчини махсус тадбирсиз кузатиб қўйиш мумкин эмаслигини таъкидлашган.
Бироқ манбага кўра, Роналду хайрлашув учрашувида иштирок этишга қизиқиш билдирмаяпти. Шу билан бирга, у Жорже Жезуш билан қайта мулоқот қилиш ниятида эмас.
Агар вазият ўзгармаса, Криштианунинг Португалия терма жамоаси либосидаги сўнгги ўйини Миллатлар лигасида Уэльсга қарши кечган баҳс бўлиб қолади.
Ўша учрашувда Роналду гол урган, аммо ҳакам уни инобатга олмаган эди.
Шундан сўнг ҳужумчи терма жамоа сафида бошқа майдонга тушмади. Кейинчалик у миллий жамоа қароргоҳини ўзбошимчалик билан тарк этгани ҳақида хабарлар тарқалган эди.
