Каталониянинг "Барселона" клуби форварди Ферран Торрес кейинги ўйинда Испания терма жамоасига ёрдам бермайди. Бу ҳақда Marca газетаси журналистлари хабар бермоқда.
Журналистларга маълум бўлишича, ҳужумчи мушакларидаги муаммолар сабаб Болгария билан учрашувни ўтказиб юборади. Торрес яқинда Грузия терма жамоасига қарши кечган баҳсда (2:0) ўзини ноқулай ҳис қилганди.
Испания ва Болгария учрашуви 14 октябрь, сешанба куни бўлиб ўтади.
Испания чемпионатининг жорий мавсумида Ферран 8 та ўйин ўтказиб, 4 та гол ва 1 та ассистни ўз ҳисобига ёздириб қўйди. Унинг трансфер нархи 50 миллион еврога баҳоланмоқда.
