Kataloniyaning "Barselona" klubi forvardi Ferran Torres keyingi o‘yinda Ispaniya terma jamoasiga yordam bermaydi. Bu haqda Marca gazetasi jurnalistlari xabar bermoqda.

Jurnalistlarga ma’lum bo‘lishicha, hujumchi mushaklaridagi muammolar sabab Bolgariya bilan uchrashuvni o‘tkazib yuboradi. Torres yaqinda Gruziya terma jamoasiga qarshi kechgan bahsda (2:0) o‘zini noqulay his qilgandi.

Ispaniya va Bolgariya uchrashuvi 14 oktyabr, seshanba kuni bo‘lib o‘tadi.

Ispaniya chempionatining joriy mavsumida Ferran 8 ta o‘yin o‘tkazib, 4 ta gol va 1 ta assistni o‘z hisobiga yozdirib qo‘ydi. Uning transfer narxi 50 million yevroga baholanmoqda.