«Бавария» футболчиси Ҳарри Кейн сўнгги 30 йил ичида Германия Бундеслигаси вакили сифатида «Олтин тўп»ни қўлга киритган илк футболчига айланди. Англиялик ҳужумчи овоз беришда биринчи ўринни эгаллаб, «Реал» форварди Килиан Мбаппе ва «Барселона» вингери Ламин Ямални ортда қолдирди.
Кейнга қадар ушбу нуфузли индивидуал мукофотни қўлга киритган сўнгги футболчи Германия терма жамоаси ҳимоячиси Маттиас Заммер бўлган. У Дортмунднинг «Боруссия» клубида тўп сурган вақтида, 1996 йилда «Олтин тўп» соҳиби бўлган эди.
Кейннинг ғалабаси Германия чемпионати вакиллари учун тарихдаги 10-«Олтин тўп» бўлди.
Ушбу мукофот Италиянинг А Серияси футболчиларига 18 марта, Испаниянинг Ла Лигаси вакилларига эса 24 марта насиб этган. Бу икки чемпионат «Олтин тўп» ғолиблари сони бўйича Германия чемпионатидан олдинда бормоқда.
