Филиппо Инзагининг “Милан” жамоасидаги фаолиятидан ўз шогирдлари ҳам норози бўлмоқда.
CalcioMercato.com нашри маълумотларига кўра, 25 апрель куни “Удинезе”га қарши 1:2 ҳисобида мағлуб бўлган ҳолда қайтаётган жамоа автобусида Найжел де Йонг Инзагини танқид қилган ва уни жамоа мураббийлигига номуносиб деб баҳолаган.
Маълум бўлишича, голландиялик футболчининг фикрларини яна бир неча жамоадоши қўллаб-қувватлаган.
Қайд этиш жоизки, де Йонгнинг “россонерилар” билан шартномаси шу йилнинг ёзида якунига етади.