Роберт Левандовски "Олтин тўп" ҳақида гапирди.
“2020 ва 2021 йиллар фаолиятимдаги энг яхши йиллар. Яқинда бир дўстим менга статистика юборди: 85 ўйинда 100 та гол урган эканман. Албатта, мен қачондир “Олтин тўп”ни қўлга киритишни истардим.
Мен ҳали ҳам мукофот ололмаганим учун хафа эмасман. Лекин мен ўша йиллардан бирида менинг навбатим келганини ҳис қилгандим.
2021 йилги соврин Мессига тегишли. 2020 йилги "Олтин тўп" кеч берилиши мумкинлиги ҳақида миш-мишлар борлигини эшитдим. Ўша йил мен учун ажойиб бўлди, мен ўзимнинг энг юқори даражамда эдим, биз ҳамма нарсани ютдик.
Агар мен тўрт йилдан кейин 2020 йилги “Олтин тўп”ни олсам, албатта, хафа бўлмаган бўлардим. Бу катта шараф ва мен мукофотни қабул қилган бўлардим”, деди “Барселона” форварди.
