Мадриднинг «Реал» клуби бош мураббийи Жозе Моуриньо янги жамоа «йиғиш»да давом этмоқда.
Журналист Бен Фернандес Сантоснинг хабар беришича, португалиялик мутахассис ўз ватандоши Рубен Диашнинг иқтидорини жуда юқори баҳоламоқда. Манбанинг таъкидлашича, «қаймоқранглилар»нинг янги устози «Манчестер Сити» марказий ҳимоячиси билан аллақачон суҳбат ўтказиб улгурган.
Transfermarkt экспертлари Диашнинг трансфер баҳосини 55 миллион еврога баҳолашмоқда. 29 ёшли футболчининг «шаҳарликлар» билан амалдаги шартномаси 2029 йилга қадар мўлжалланган.
Эслатиб ўтамиз, Жозе Моуриньо жорий йилнинг июнь ойида истеъфога чиққан Альваро Арбелоанинг ўрнини эгаллаб, расман «Реал» бош мураббийига айланган эди.
