Португалия терма жамоаси кечаги кечки машғулотлар ва матбуот анжуманини бекор қилди. Бу ҳақда Mundo Deportivo нашри журналистлари хабар бермоқда.
Манбанинг берган маълумотларига кўра, бундай қарор ноқулай об-ҳаво шароити туфайли қабул қилинган. Хавфсизлик нуқтаи назаридан машғулотлар жараёни ва журналистлар билан учрашув қолдирилган.
Эслатиб ўтамиз, Жаҳон чемпионатининг гуруҳ босқичида Роберто Мартинес шогирдлари Ўзбекистон, Колумбия ва Конго ДР миллий терма жамоалари билан куч синашади.
ЖЧ-2026 мусобақаси 11 июндан 19 июлга қадар Шимолий Американинг учта давлати: АҚШ, Канада ва Мексика майдонларида бўлиб ўтмоқда. Амалдаги чемпион — Аргентина терма жамоаси ҳисобланади.













