«Барселона»нинг афсонавий собиқ ҳимоячиси Жерар Пике Марк Кукурельянинг Мадриднинг «Реал» клубига трансфери борасида ўз фикрларини билдирди.

«У «Ла Масия» академиясини тамомлаган ва ҳали гўдаклигидаёқ «Барселона» эмблемасини кўксида тақиб юрган. Ушбу буюк клубнинг қадриятларини ўзига сингдирган. У «Барселона» дунёда қанчалик муҳим клуб эканлигини яхши тушунади, шунинг учун ҳам унинг бу танлови мухлисларга янада қаттиқроқ азоб беради. Агар сен «Барса» академиясида улғайган бўлсанг-у, лекин «Реал»да ўйнашни танласанг, «кўк-анорранглилар» мухлисларига бу асло ёқмаслигини тушунишинг керак. Бу трансфер барча чегаралардан чиқиб кетишдир».

Таъкидлаб ўтиш жоизки, Марк Кукурелья Каталония грандини тарк этгунига қадар, яъни 2012 йилдан 2020 йилгача «Барселона» тизимида бўлган. Бироқ у «кўк-анорранглилар»нинг асосий жамоаси таркибида бор-йўғи битта ўйинда майдонга тушган.