Англиялик собиқ футболчи, ҳозирда эса эксперт сифатида фаолият юритаётган Гари Линекер «Ньюкасл» латерали Льюис Холлнинг Англия терма жамоасининг ЖЧ-2026 учун якуний қайдномасига киритилмаганига ўз муносабатини билдирди.
«Англия терма жамоаси таркибида Льюисни кўрмаганимдан ҳайратда қолдим. Агар жамоа жаҳон чемпиони бўлса, бу қарорнинг аҳамияти қолмайди, албатта. Бироқ барибир Холлнинг қайдномадан ташқарида қолганини тушиниш қийин. У клубда ажойиб мавсумни ўтказди. Льюис Ламин Ямалга қарши муносиб ўйнаб, уни тўхтата олган ягона ҳимоячи эди», — дея Линекернинг сўзларини келтиради Goal нашри.
Эслатиб ўтамиз, Томас Тухель қўл остидаги Англия терма жамоаси Жаҳон чемпионатидаги илк учрашувини 17 июнь куни Хорватияга қарши ўтказади.
