Келаси йили Қатарда бўлиб ўтадиган 23 ёшгача бўлган футболчилар ўртасидаги Осиё Чемпионати саралашида Турманистон олимпия терма жамоаси иштирок этмасликка қарор қилди.
Шу сабабли саралашнинг "B" гуруҳида энди жамоалар сони 4тани ташкил қилмоқда. Ушбу гуруҳдаги ўйинлар тақвимида ҳам мос равишда ўзгаришлар бўлди.
Эндиликда ушбу гуруҳ ўйинлари 16-20 май кунлари давомида бўлиб ўтади. Барча ўйинлар Бирлашган Араб Амирликларининг Ал Айн шаҳрида бўлиб ўтади.
Демак ушбу гуруҳ ўйинлари тақвими қуйидагича.
16 май, шанба
Иордания - Покистон
Қувайт - Қирғизистон
18 май, душанба
Покистон - Қувайт
Қирғизистон - Иордания
20 май, чоршанба
Иордания - Қувайт
Қирғизистон - Покистон
Эслатиб ўтамиз, Ўзбекистон олимпия терма жамоасининг ушбу турнирда иштирок этиши айнан "В" гуруҳидаги натижаларга боғлиқ. Ушбу гуруҳда иккинчи ўринни эгаллаган жамоа кўрсаткичлари Ўзбекистонникидан пастроқ бўлса, Бахтиёр Ашурматов бошчилигидаги жамоа Қатардаги чемпионатга боради.
