"Бавария" ҳимоячиси Меҳди Бенатиа чемпионлар лигаси яримфиналида "Барселона"га қарши жавоб учрашуви олдидан фикрларини билдирди.
Биринчи учрашувда каталонияликлар 3:0 ҳисобида ғалаба қозонган эдилар.
"Осон бўлмайди. Агар ўзимизга ишонмасак, уйда қолишимиз керак. Жамоамизда яхши ўйинчилар жамланган ва бундан яхшироқ ўйнай оламиз. Биз жавоб учрашувида 4:0 ҳисобида юта оламиз. Аммо бунинг учун идеал ўйин кўрсатиб, тезкор гол киритишимиз керак.
Биз ўз уйимизда кўп гол ура олишимизни кўрсата олганмиз. Бунинг устига "Барселона" билан ўз уйимизда ўйнамаганмиз", - дейди Бенатиа.
