"Реал" ва "Хетафе" жамоалари ўртасидаги учрашув билан Испания Ла лигасининг навбатдаги мавсуми якунига етди. Ушбу ўйинда мухлислар оз эмас, кўп эмас, нақд 10та гол гувоҳига айланишди.

Сўнгги турга келиб ҳар иккала жамоа ҳар қандай босимдан халос бўлиб улгургани боис ўйин анча очиқ кўриниш олди. Биринчи бўлимда Роналдунинг ҳар битта голига "Хетафе" футболчилари жавоб қайтариб туришди. Натижада биринчи бўлимда Криштиану хет-трикка эришди ва жамоалар танаффусга 3:3 ҳисобидаги натижа билан йўл олишди.

Иккинчи бўлим бошида мезбонлар иккита гол уриб, барчаси ўз жойига келтириб қўйишди. Ўйин якунланишига қадар "Реал" яна икки марта рақиб даврозасини ишғол қилди. Якуний натижа — 7:3.

Криштиану Роналду Ла лиганинг ушбу мавсумида 48та гол уришга муваффақ бўлди. У чемпионат тўпурари бўлишдан ташқари "олтин бутса"ни ҳам қўлга киритади.

Ла лига, 38-тур
Реал Мадрид – Хетафе 7:3 (3:3, 4:0)
Голлар: 1:0 – 13 Роналду, 1:1 – 22 Эскудеро, 1:2 – 26 Кастро, 2:2 – 32 Роналду, 3:2 – 34, пенальти Роналду, 3:3 – 42 Ласен, 4:3 – 47 Эрнандес, 5:3 – 51 Хамес, 6:3 – 71 Хесе, 7:3 – 90 Марсело.
Реал Мадрид – Касильяс, Арбелоа (Карвахаль, 46), Начо, Пепе (Варан, 40), Марсело, Хесе, Ильярраменди, Хамес, Кроос, Эрнандес, Роналду (Эдегор, 58).
Хетафе – Кодина, Перейра, Вигарай, Руано, Эскудеро, Инестроса, Ласен, Леон (Лопес Альварес, 84), Сарабия, Кастро (Баба, 79), Родригес (Фелип, 72).
Огоҳлантиришлар: Вигарай (34), Хесе (45), Руано (80), Марсело (82).