Бернарду Силва «Атлетико»га ўтишга қизиқиш билдирмоқда, дея хабар беради Marca нашри.
Мадрид клуби ёзда «Манчестер Сити»ни тарк этадиган 31 ёшли ярим ҳимоячига таклиф билан чиқди. «Матрасчилар» португалиялик футболчи билан шартномани Жаҳон чемпионати бошлангунга қадар имзолашни режалаштирмоқда.
«Атлетико» спорт директори Матеу Алемани футболчининг агенти Жорже Мендеш билан икки мавсумга мўлжалланган ва яна бир йилга узайтириш имкониятига эга бўлган шартнома шартлари бўйича музокаралар олиб бормоқда.
Қайд этилишича, Бернардуга «Барселона», «Ювентус» ва «Милан» клублари ҳам даъвогарлик қилмоқда.
