Bernardu Silva «Atletiko»ga o‘tishga qiziqish bildirmoqda, deya xabar beradi Marca nashri.
Madrid klubi yozda «Manchester Siti»ni tark etadigan 31 yoshli yarim himoyachiga taklif bilan chiqdi. «Matraschilar» portugaliyalik futbolchi bilan shartnomani Jahon chempionati boshlangunga qadar imzolashni rejalashtirmoqda.
«Atletiko» sport direktori Mateu Alemani futbolchining agenti Jorje Mendesh bilan ikki mavsumga mo‘ljallangan va yana bir yilga uzaytirish imkoniyatiga ega bo‘lgan shartnoma shartlari bo‘yicha muzokaralar olib bormoqda.
Qayd etilishicha, Bernarduga «Barselona», «Yuventus» va «Milan» klublari ham da’vogarlik qilmoqda.
