Eronlik taniqli karikaturachi Hamid Sahari Krishtianu Ronalduning Portugaliya milliy terma jamoasidagi so‘nggi vaziyatiga bag‘ishlangan yangi karikaturasini taqdim etdi.
Sahari o‘z ijodiy ishida Ronaldu atrofida yuzaga kelgan voqealarni hazilomuz uslubda aks ettirgan. So‘nggi kunlarda 41 yoshli futbolchining bosh murabbiy Jorje Jezush bilan munosabatlari va milliy jamoadagi kelajagi asosiy muhokama mavzularidan biriga aylandi.
Ronaldu Norvegiyaga qarshi Millatlar ligasi bahsida zaxirada qolgan va maydonga tushmagan edi. Keyinchalik u Portugaliya terma jamoasi yig‘inini muddatidan avval tark etdi. Futbolchi bu qarorining sabablarini keyinroq tushuntirishini bildirgan.
Jorje Jezush esa Ronalduning zaxirada qolganidan norozi bo‘lganini tan olgan, biroq futbolchi bilan jiddiy mojaro bo‘lgani haqidagi gaplarni yumshatishga harakat qilgan.
Hamid Sahari futbol olamidagi dolzarb voqealarni karikatura va animasiyalar orqali yoritishi bilan tanilgan. U avval ham Krishtianu Ronaldu va Portugaliya terma jamoasiga bag‘ishlangan qator ishlarini taqdim etgan.
