Кеча, 28 май куни Цюрихда ФИФАнинг навбатдаги — 65-конгресси очилиш маросими бўлиб ўтди, деб хабар беради Ўзбекистон Футбол Федерацияси расмий сайти.
Маросимни ФИФА президенти – Йозеф Блаттер ўз нутқи бочиб берди. Сўнгра Цюрих шаҳри ҳокимияти вакили Филипп Леутенегер, Халқаро Олимпия Қўмитаси президенти Томас Бах ҳам нутқ сўзлашди.
ФИФА конгресси аъзолари ФИФА қонун чиқарувчи олий органи билан бугун Цюрихдаги “Hallenstadion”да учрашади ва ўз ишини бошлайди. Конгресс кун тартибидаги асосий масала — ФИФА президентлигига номзодлардан биринчи сайлашдан иборат.
Маълумот учун, ФИФА президенти лавозимига иккита номзод бўлиб, улардан бири амалдаги ФИФА президенти Йозеф Блаттер, иккинчиси эса иорданиялик шахзода Али бин Ҳусайн ҳисобланади.
ФИФАнинг ушбу Конгрессида Ўзбекистон Футбол Федерацияси биринчи вице-президенти Сардор Раҳматуллаев ҳам иштирок этмоқда. Унга ЎФФ матбуот хизмати бошлиғи Санжар Ризаев ҳамроҳлик қилмоқда.
