Чили терма жамоаси ярим ҳимоячиси Артуро Видаль маст ҳолатда машина ҳайдагани учун узр сўради.
«Бутун мамлакат ва жамоадошларимдан узр сўрамоқчиман. Кеча мен казинога бордим, икки қултум ичкилик ичдим. Натижада аварияга учраб, рафиқам ва бошқа инсонларнинг ҳаётини хавф остига қўйдим. Бундан жуда афсусдаман.
Бу менинг айбим. Аварияга алоқадор бўлиб қолган бошқа инсонлардан ҳам кечирим сўрайман. Уятда қолдим. Бошқа ҳеч нарса дея олмайман», – дейди Видаль.
Эслатиб ўтамиз, 28 ёшли футболчи ўтган куни тунда ўз Феррарисида бошқа автомобиль билан тўқнашиб кетиши натижасида аварияга учраганди.
