Трансфер ҳуқуқи “Челси”га тегишли бўлган ярим ҳимоячи Муҳаммад Салах “Фиорентина” сафида тўп суришдан бош тормоқда. Шу сабабли клуб вазиятни ҳал қилиш учун юристларга мурожаат қилган.
“Ўйинчи ўз вакиллари орқали келишув бўйича бизнинг яхшиланган таклифимизни рад этгани ва бошқа клубда тўп суришни истаётганини билдирди. У шунингдек, мавсумолди йиғинга қайтиш бўйича илтимосларимизга жавоб бермаслигини ҳам маълум қилди.
Натижада биз клуб манфаатларини ҳимоя қилишни сўраб ўз юристларимизга мурожаат қилдик”, - дейилади клуб баёнотида.
Аввалроқ “Фиорентина”нинг Салахни 18 миллион еврога сотиб олиб, футболчига 5 йиллик шартнома таклиф қилмоқчи экани ҳақида айтилганди