"Манчестер Сити" бош мураббийи Пеп Гвардиола ярим ҳимоячи Бернарду Силва билан хайрлашишга тайёр.
Sport хабарига кўра, агар португалиялик футболчи "Барселона"га қўйиб юборишни сўраса, Гвардиола футболчининг йўлида тўсқинлик қилмайди. "Кўк-анорранглилар" Бернарду учун 60 миллион евро товон пули тўлашга тайёрми ёки йўқлиги ҳозирча маълум эмас. Ярим ҳимоячининг ўзи келаси ёзда "Камп Ноу"га ўтишга тайёр, аммо "Барселона"да бу келишув учун етарли маблағ бўлмаслиги мумкин.
Англия Премьер-лигасининг ушбу мавсумида Силва олтита гол урди ва бешта голли узатмани амалга оширди. Бернарду "Манчестер Сити"да 2017 йилдан бери ўйнаб келмоқда.
