«Манчестер Юнайтед» ҳужумчиси Беньямин Шешко кун келиб «Бавария»да Харри Кейннинг ўринбосарига айланиши мумкин.
Transfer News Live нашрининг журналист Кристиан Фалькка таяниб хабар беришича, мюнхенликлар 23 ёшли футболчини англиялик тўпурарнинг узоқ муддатли ўринбосари сифатида кўришмоқда. «Бавария» словениялик ҳужумчига 2024 йилдаёқ даъвогарлик қилган эди — ўшандан бери ўйинчи Германиянинг энг совриндор клуби радарида қолмоқда.
«Манчестер Юнайтед» Беньямин Шешкони ўтган йилнинг ёзида «РБ Лейпциг»дан 76,5 миллион еврога сотиб олган эди. Англиядаги дебют мавсумида форвард «қизил иблислар» сафида 32 та ўйинда майдонга тушиб, 12 та гол урди ва 1 та голли узатмага муаллифлик қилди.
