Футбол бўйича Россия терма жамоаси Россияда бўлиб ўтадиган 2018 йилги Жаҳон чемпионати саралаш босқичида Бельгия, Босния ва Герцеговина, Греция, Эстония, Кипр билан бирга Н гуруҳига киритилди.
Бу Санкт-Петербургнинг Константинов саройида қуръа ташлаш натижаларига кўра маълум бўлди.
Барча жамоалар 9 та гуруҳга бўлинади ва гуруҳлар ғолиблари Жаҳон чемпионатига тўғридан-тўғри йўл олишади. Ўз гуруҳларида 2-ўринларни қўлга киритган энг яхши жамоалар 2017 йилнинг ноябрида қолган тўртта йўлланма учун ўзаро тўқнашадилар.
Россия 2018 йилги жаҳон чемпионатининг мезбони сифатида жаҳон чемпионатининг финал босқичида тўғридан-тўғри иштирок этиш ҳуқуқига эга бўлишига қарамасдан, саралаш босқичида иштирок этади: у кўрсатган натижалар ҳисобга олинмайди, жамоа аслида саралаш ўйинлари ўтказиладиган кунларда ўртоқлик учрашувлари ўтказади. Россияликлар ўз рақиблари билан иккитадан ёки қолган учрашувларни бошқа рақиблар билан ўтказган ҳолда биттадан учрашув ўтказишлари мумкин бўлади.
